又聞fresh玫瑰香

Fresh嘅每樣產品都令我愛不釋手，雖然已經介紹過好多次fresh嘅product，但係都忍唔住繼續推介。玫瑰美白就聽得多啦，玫瑰保濕系未少聽D呢？除咗一系列皇牌面膜，今次試嘅系fresh嘅玫瑰保濕gel cream。所謂gel cream，應該系因為佢好似gel一樣嘅輕盈質地，但係就有好似cream一樣嘅滋潤效果。

Fresh嘅產品一向都系淡淡嘅味道，但係卻有令人舒緩的神奇效果。哩款gel cream亦一樣，玫瑰香味似有似無，先將gel cream放上手，睇到質地其實比一般gel要rich一些，但係仍然非常好推開，質地唔算太輕太薄，亦因此可以有cream一樣嘅滋潤，而且保持時間比較長。推開後，皮膚亮澤度大大提升，皮膚好似有咗一層保護膜。個人認為這款gel cream比較適合夏天使用，唔會好似用cream甘heavy，夏天唔會令上妝之後嘅面部有“油笠笠”嘅感覺，但係就可以保持全日滋潤！

Fresh嘅產品一向崇尚利用植物，天然護膚。下面系哩款gel cream嘅一系列成分：

-純正玫瑰水、玫瑰花精華油及荷荷巴油有效舒緩及滋養肌膚-「智能」紫球藻自動調節肌膚水分至最佳濕度- 白芷葉萃取有效助長膠原蛋白，改善補水效能- 紅景天根部具有保護性抗氧化物，有助肌膚細胞再生- 透明質酸有助鎖緊水分及保濕，回復水潤- 青瓜萃取有助舒緩肌膚，保持清爽

聽落系未幾正呢？其實唔止你個胃，你嘅肌膚其實都一樣需要植物滋養！