Cindy's Beauty Journal

認識 GLAMGLOW 系因為當時紅極一時嘅 mud selfie ，好多明星都成為 GLAMGLOW 系列面膜嘅忠實擁躉，於是我毫不猶疑地入手咗人生中嘅第一瓶黑罐，當時有被粗糙嘅泥膜驚艷（其實系驚嚇）到，因為質感太似在泥裡面執上嚟的樹葉碎定茶葉梗，不過效果呢就絕對系去角質同深層清潔中嘅佼佼者。   今次試用白罐真係令人期待，因為在我心中佢系幼滑版嘅黑罐，我對佢嘅最大期待系對鼻翼黑頭嘅清潔能力。首先系開罐介紹，樽身設計簡潔，容量唔大只有 50ml ，質地顆粒較粗但係用過黑罐就知道其實佢已經系非常細滑，延展性唔錯，相對黑罐更容易均勻塗抹在整張臉上，味道系好醒神嘅薄荷味同一 D 類似草本香氣嘅混合。 相信好多人都有疑問，點解白罐同黑罐要叫發光面膜，唔知有冇人好似我一樣第一次用真係會熄燈睇下會唔會有熒光效果（我認我好傻）。其實命名為發光面膜，系因為用完之後皮膚細膩光滑，就好似會透出蘋果光一樣，不過對我嚟講哩 D 真係噱頭嚟，但係對住燈照又好似真係光澤感大大提升。   用法首先要徹底清潔臉部，然後均勻塗上超級發光面膜，根據每個人塗抹的厚度唔同，泥膜變乾嘅速度亦唔同，我就等咗大概 10 分鐘，鼻尖最先乾透，哩個時候可以清楚見到每個毛孔，感覺系自己塊臉真係好邋遢。在泥膜逐漸變乾嘅時候，臉部慢慢有繃緊的感覺，就好似 feel 到毛孔內嘅污跡一 DD 被強力吸咗出嚟，臉頰位置緊到影相系睇得出細咗，犀利！ 待 5-10 分鐘後徹底洗淨泥膜，肌膚瞬間覺得有 D 乾，同時覺得緊咗，油脂感為零，而且毛孔感覺通暢，清潔能力無敵，無論從 T 字位還是額頭都有自然光澤，提亮效果顯著。   好啦講咗甘耐，最驚艷我嘅地方系洗完臉之後，雖然黑頭同粉刺冇即時消失，但係過咗幾分鐘好似識得一粒粒自己浮上嚟甘，稍微用手卒下就一粒粒甩落嚟，真係好神奇啊，亦系我愛哩隻面膜嘅最大理由！   總結：白罐用嚟做清潔面膜一流，不過對皮膚稍有刺激，所以敏感肌最好試過唔會過敏再長用。除咗成臉用，仲可以局部敷，可以厚敷又可以薄敷，如果有痘痘或者粉刺簡直就系恩物。定價為 HKD490/ 50ml ，可以敷到十次八次，如果局部敷用得仲耐，其實計落都算抵用。用過兩款發光面膜，我更加期待 GLAMGLOW 嘅其他系列，真係值得擁有架！

來自紐約嘅護膚品牌 MALIN+GOETZ 包裝行嘅系簡約風格，哩種行實力唔靠外貌協會俘虜少女心嘅包裝，未用就已經深得我心。岩岩好最近皮膚狀態好差，皮膚乾燥暗沉，仲面臨爆痘危機，哩款深層清潔面膜嚟得正是時候，即刻就拆開試用！ MALIN+GOETZ 泡沫淨化排毒面膜，成分包括胺基酸、天然杏仁精華、穩定性維他命 C 、抗氧化維他命 E 、大豆蛋白、保濕維他命 B5 、角鯊烯和甘油。 氣味： 香甜杏仁味。 質地： 剛擠出來是米黃色乳霜狀，容易推開。 使用前臉色暗沉，有D蠟黃，毛孔又好粗大，仲好油笠，真係慘不忍睹啊！>.< 用法： 徹底清潔面部並抹乾，之後塗一層 MALIN+GOETZ 泡沫淨化排毒面膜。過咗半分鐘，神奇嘅事情就發生啦！乳霜狀嘅面膜會慢慢變白變厚，成為一層泡沫覆蓋在臉部，之後泡沫會越變越厚（一因為開始塗得太多同靠近鼻端，最後 D 泡泡越嚟越綿密，搞到抖唔到氣 >.< 暈！）仲會聽到泡泡發出“吱吱聲”，又幾得意！ 被泡泡覆蓋嘅感覺就系臉部所有污糟野都浮曬出嚟，每個毛孔都好似得到新生咁呼吸順暢。五分鐘之後抹走泡泡就得，不過我就濕水打圈按摩下再沖水，瞬間感覺系皮膚有光澤，膚色較之前均勻，毛孔更緊緻，油分都得到控制。試用過程中因泡泡嘅原因有少許刺激但係並無過敏反應，我覺得尚算溫和。 注意事項： 使用時需留意避開鼻端和眼周位置，以免泡泡越發越大時遮蓋眼睛和鼻孔。 總體試用效果非常滿意，我中意佢深層清潔嘅原理，仲可以預防黑頭同粉刺產生，只需五分鐘毛孔輕鬆無負擔！售價為 HKD400/100ml ，我覺得 CPV 系高，大家可以考慮入手！

講起坊間嘅胎盤素產品，印象最深刻就系有多年胎盤素保養經驗嘅fracora。所以今次試用Mizuii天馬胎盤精華素，我第一個諗法就係哩兩個品牌強強對決，一個日本製造，一個台灣製造，要分勝負真係要睇個產品有幾work啦！ 話說三十歲之後肌膚就開始有鬆弛、下垂同色素沉澱等初老現象，而且一旦皺紋出現就好難返轉頭，就算化妝潤色都冇辦法遮掩肌膚所流失嘅彈性和水潤透明感，真係愁死人。要搵到一款提升肌膚彈性，預防初老嘅產品真係吾容易。而胎盤素精華卻經常被用於對付鬆垮的皮膚，令平時疏於保養嘅肌膚可以通過胎盤素哩條“橋”更好地吸收其他護膚品，達到滿意嘅護膚效果。 Mizuii嘅包裝非常簡單，背面嘅成分寫得一清二楚，而主要成分天馬胎盤精華（unicorn placenta extra）更達到98.8%，同時含有Amino Acid，幫助精華快速滲透。每支精華嘅含量為10ml，臉部連眼連頸，用幾次都夠曬。 產品：無色無味，流動性高，容易推開和吸收。 用法：徹底洗淨臉部，在爽膚水後，先滴落手心，再以按壓方式均勻塗抹於整個臉部（包括眼周）和頸部，特別是細紋和鬆弛的位置（眼底同法令紋位置）可塗多一層，吸收快，質感清爽不笠，連敏感肌都適用。 效果：用咗Mizuii天馬胎盤精華素之後再搽平時用的面霜，肌膚冇額外負擔，而且吸收得好快，保濕度高。之後上妝持妝度好，妝容服帖，吾容易脫妝。 整體用後感：Mizuii嘅質感比fracora要厚身d，但係吸收度同保濕度效果均不俗。連續使用三天後，肌膚細紋有減淡，因為用後肌膚對其他護膚品的吸收更好，令整個臉部的保濕度明顯提升，嘴角及眼尾的乾紋有減淡；彈性提升相對於保濕度則較弱，看來要促進膠原蛋白的生長還需要更長時間的使用；美白作用則未有明顯改善。總體來說是很好的使用體驗，如果能配合同品牌系列產品使用相信效果更佳。

春季來臨，天氣乍暖還寒，而且香港嘅春天氣候潮濕，連晾衫都吾乾。試想下肌膚都被潮濕天氣所污染，空氣中的濕氣混合有害粉塵，全日無間斷同自己嘅肌膚敷 mask ，真係諗起都覺得好污糟！今次試用嘅 Yves Rocher 系列產品來得正是時候，為肌膚帶來抵抗外來污染的最佳保護！   先講下 Yves Rocher 哩個品牌，佢來自法國，創立至今已經有六十幾年嘅歷史，產品類別好豐富，由護膚到化妝品一應俱全，而今次試用嘅 ELIXIR JEUNESSE 系佢最新推出嘅品牌新 line ，專門為女士肌膚提供排毒、修復同抗污染嘅細心呵護。 Yves Rocher Elixir Jeunesse Double Action Essence系今次試用一系列產品中我最中意嘅一款產品。首先佢嘅主打系用純天然萃取嘅Aphloia為主要成分，可以有效擊退由污染造成嘅肌膚老化同重拾光澤感，令肌膚迅速恢復健康狀態。 現在香港污染指數較高，出街又吾可以戴頭盔（笑），咁唯有為肌膚選擇有效嘅抗污染產品，出街就好似戴咗防護罩甘啦！ 抗污染雙效精華個質地系流動性好高嘅水狀，香氣與同一條line嘅抗污染日霜一樣，令人放鬆舒緩，心曠神怡。 個精華在徹底清潔皮膚同塗爽膚水之後使用，好容易推開，而且用少少就可以塗勻整張臉，水潤但吾油笠，而且吸收快，好快已經好似一層薄膜咁包住臉部皮膚。最重要系補水效果可以hold到一整日，而且使用後上妝，妝容平滑，色澤均勻，持妝度高。  如果晚上熬夜，第二日仲可以配合敷mask嚟做急救。先薄薄地搽一層抗污染雙效精華，再搽上水洗式嘅mask，之後輕輕抹去mask，臉部光澤感好強，而且皺紋有減淡，疲累感bye bye！  Yves Rocher Elixir Jeunesse Double Action Essence抗污染雙效精華素 定價為HKD395，CP值高，系一款可以每天日夜使用的產品！ Yves Rocher Elixir Jeunesse Repair+ Anti-pollution  –  Restructing Care  抗污染深層修復日霜產品質地為白色霜狀，延展性好，香氣清新怡人。   佢系整個護膚程序嘅最後一步，在精華之後塗抹在臉上，順著肌膚紋路推開，補水度夠高嘅同時又吾會顯得油笠，而且皮膚吸收得好