發表文章

目前顯示的是 2017的文章

反地心吸力護膚法:Atelo Collagen Mask純骨膠原面膜

圖片
傳統貼片式面膜同水洗式面膜我就用得多啦,今次試用嘅Atelo Collagen Mask卻從包裝同使用方法上都非常特別,收到嘅時候非常驚喜!佢號稱系唯一嘅純膠原蛋白面膜,可以即時緊緻面部輪廓,即時收細毛孔,高效抗衰老。哩只產品仲系日本制,聽上去已經對佢嘅質素好有信心,等我試試睇功效系未真係甘犀利!
包裝:每一個中有兩塊乾身嘅純膠原蛋白面膜,每個附贈一枝滴管。
使用:每個面膜加兩滴管分量的水
味道:無任何香氣,含些少塑膠味,吾算好聞,可能這就是純骨膠原的味道吧(因為從來未聞過)!
步驟:在敷之前先做好面部清潔同去角質,令面部細胞更容易吸收骨膠原的成分。打開面膜,加入兩滴管的純水,用手指輕輕攪勻,面膜溶解並成為奶白色的漿糊狀。
用手指將溶解後的面膜均勻塗抹在臉部,細紋及毛孔粗大的部位可以塗厚一層。如有未用完的骨膠原,可以塗在頸部。
面膜快速起作用,而哩種作用系使用者可以好明顯地感受到的。佢就好似一層漿糊慢慢變乾硬化嘅過程,好似一層網,將臉部肌膚的每個細胞一一收緊,緊到我覺得到D膠原走緊入去我D毛孔底層。期間面部有輕微的發熱感,特別系下巴同眼尾比較鬆弛的部位,緊緻感更為強烈。根據使用指示,面膜可以敷30-40分鐘,但係其實塗抹5分鐘後肌膚就變乾,之後的25-35分鐘完全系肌膚自行提升嘅過程。(成件事令我諗起好多年前媽咪用的古法護膚,就係用純雞蛋白直接抹在臉上,令肌膚自然收緊,所以我媽咪嘅額頭到現在都好有光澤,一條皺紋都冇架!)
當然要肌膚即時變緊緻系冇可能嘅,Atelo自己都話要連續使用四盒(即24個)才完成一個療程。但係就單次使用效果嚟講,我系非常滿意。除咗使用時反地心吸力的緊緻感,洗乾淨臉後,肌膚嘅光澤度提升咗不止一點點,特別系鼻翼的粗大毛孔細緻咗吾少,面部輪廓亦稍有提升!
價格為800HKD/盒(6個),就使用效果嚟講,我認為性價比算高,系經歷緊肌膚初老跡象嘅JM值得入手嘅選擇!